കൊച്ചി: കേരള ശുചിത്വമിഷന്‍ വിഭാവനം ചെയ്തിട്ടുള്ള ഗ്രീന്‍ പ്രോട്ടോകോള്‍ ഇഫ്താര്‍ സംഗമങ്ങളിലും പാലിക്കണമെന്ന് സംസ്ഥാന വഖ്ഫ് ബോര്‍ഡ്.
വ്രതാനുഷ്ഠാനത്തോടനുബന്ധിച്ച് വീടുകളിലും ഇഫ്താര്‍ സംഗമങ്ങളിലും പ്ലാസ്റ്റിക്, തെര്‍മോകോള്‍ ഉള്‍പ്പെടെയുള്ളവ ഒരുതവണ ഉപയോഗിച്ച് വലിച്ചെറിയുന്നത് ഒഴിവാക്കണമെന്ന് ചീഫ് എക്‌സിക്യൂട്ടീവ് ഓഫിസര്‍ എം.കെ സാദിഖ് ആവശ്യപ്പെട്ടു.
കഴുകി ഉപയോഗിക്കുവാന്‍ കഴിയുന്ന സ്റ്റീല്‍, പോര്‍സലൈന്‍ കപ്പുകളും പ്ലേറ്റുകളും പരാമവധി ഉപയോഗിക്കുന്നതിന് ആവശ്യമായ നടപടികള്‍ കൈക്കൊള്ളണം. ഗ്രീന്‍ പ്രോട്ടോകോള്‍ ഇഫ്താര്‍ സംഗമങ്ങളിലും ഓഡിറ്റോറിയങ്ങളിലും, മദ്‌റസകളിലും മറ്റും നടപ്പാക്കണമെന്ന് എല്ലാ മഹല്ല് ജമാഅത്തുകളിലെ ഭാരവാഹികളോടും സംഘടനാ ഭാരവാഹികളോടും അദ്ദേഹം അഭ്യര്‍ഥിച്ചു.