അന്നൂര്‍: ശ്രീഹരിക്കോട്ട സതീഷ് ധവാന്‍ സ്‌പേസ് സെന്റര്‍ ഡയറക്ടര്‍ അന്നൂര്‍ സ്വദേശി ഡോ.പി കുഞ്ഞികൃഷ്ണന്റെ വസതി മന്ത്രി രാമചന്ദ്രന്‍ കടന്നപ്പള്ളി സന്ദര്‍ശിച്ചു. പി.എസ്.എസ്.എല്‍.വി 34 ന്റെ വിജയകരമായ വിക്ഷേപണം പൂര്‍ത്തിയാക്കിയ വേളയിലാണ് സന്ദര്‍ശനം. നാടിന്റെ ആദരം മന്ത്രി നേരിട്ടെത്തി അറിയിക്കുകയും തുടര്‍ന്ന് അദ്ദേഹത്തിന്റെ അമ്മ നാരായണിയമ്മയെ മന്ത്രി പൊന്നാടയണിയിക്കുകയും ചെയ്തു. കോണ്‍ഗ്രസ്സ് എസ് ജില്ലാ പ്രസിഡന്റ് കെ.കെ ജയപ്രകാശ്, പി ജയന്‍, കെ.കെ ഗംഗാധരന്‍, കെ രാമേശന്‍, കെ.വി ഗിരിഷ്, കെ.വി ദേവദാസ് എന്നിവര്‍ ഒപ്പമുണ്ടായിരുന്നു.