അടിമാലി: പ്രാപൂര്‍ത്തിയാകാത്ത ആദിവാസി പെണ്‍കുട്ടിയെ പീഡിപ്പിച്ച യുവാവിനെ പൊലിസ് അറസ്റ്റ് ചെയ്തു. അടിമാലി തുബാളത്ത് അബിന്‍സ്(24)നെയാണ് മൂന്നാര്‍ ഡിവൈ.എസ്.പി അനിരുദ്ധന്റെ നേത്യത്വത്തിലുളള പൊലിസ് സംഘം പിടികൂടിയത്.
2016 ജൂലൈ മാസത്തില്‍ അടിമാലി പഞ്ചായത്തിലെ ആദിവാസി കോളനിയിലെ 15 കാരി പെണ്‍കുട്ടിയെ പ്രലോഭിച്ച് പണിക്കന്‍കുടിയില്‍ കൊണ്ടുപോയി പീഡിപ്പിച്ച സംഭവത്തിലാണ് അറസ്റ്റിലായത്. അടിമാലി ടൗണിലെ ഓട്ടോ ഡ്രൈവറായിരുന്നു അബിന്‍സ്. ഇയാളുടെ സഹായിയെ പൊലിസ് നേരത്തെ അറസ്റ്റ് ചെയ്തിരുന്നു.
സംഭവം കേസായതോടെ അടിമാലിയില്‍ നിന്ന് പോയ അബിന്‍സ് കോതമംഗലം മുളവൂരില്‍ ഒളിവില്‍ താമസിക്കുകയായിരുന്നു. സ്വകാര്യ ട്രാവല്‍സിലെ ഡ്രൈവറായിട്ട് ജോലി ചെയ്ത് വികയായിരുന്നു. 2014 മുതല്‍ പലയിടത്ത് കൊണ്ടുപോയി അബിന്‍സ് പീഡിപ്പിച്ചതായി പെണ്‍കുട്ടി പൊലിസിന് മൊഴിനല്‍കിയിരുന്നു.
മറ്റൊാളൊടൊപ്പം ഇടുക്കി പൊലിസ് പെണ്‍കുട്ടിയെ പിടികൂടിയപ്പോഴാണ് പീഡന വിവരം പുറത്തായത്. ഡിവൈ.എസ്.പിക്ക് പുറമെ എ.എസ്.ഐ മാരായ സി.വി.ഉലഹന്നാന്‍, സജി എം.പോള്‍, ടി.എ.മുഹമ്മദ് എന്നിവരും അന്വേഷണ സംഘത്തിലുണ്ടായിരുന്നു.