ഗൂഡല്ലൂര്‍: ഗൂഡല്ലൂരില്‍ നിന്ന് പന്തല്ലൂര്‍ കൂമൂലയിലേക്ക് ബസ് സര്‍വിസ് ആരംഭിച്ചു. രാവിലെ 7.45ന് ആരംഭിക്കുന്ന ബസ് 8.45ന് കൂമൂലയില്‍ എത്തും. പന്തല്ലൂരില്‍ നിന്ന് മൂന്ന് കിലോ മീറ്റര്‍ ദൂരമുള്ള കൂമൂലയിലേക്ക് ബസ് സര്‍വിസ് ഏര്‍പ്പെടുത്തണമെന്ന് നാട്ടുകാര്‍ നിരന്തരം ആവശ്യപ്പെട്ട് വരികയായിരുന്നു.
നിലവില്‍ ഓട്ടോറിക്ഷ സര്‍വിസ് മാത്രമാണുള്ളത്. 200ല്‍പ്പരം കുടുംബങ്ങളാണ് ഇവിടെ താമസിക്കുന്നത്.
രാത്രി 7.45ന് പന്തല്ലൂരില്‍ നിന്ന് കൂമൂലയിലേക്ക് ഒരു ബസ് സര്‍വിസ് കൂടി ഏര്‍പ്പെടുത്തിയിട്ടുണ്ട്.