കാഞ്ഞങ്ങാട്: അങ്കണ്‍വാടി വര്‍ക്കര്‍മാരുടെയും ഹെല്‍പ്പര്‍മാരുടെയും സംഗമം കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് എം. ഗൗരി ഉദ്ഘാടനം ചെയ്തു.
ക്ഷേമകാര്യസ്റ്റാന്റിങ് കമ്മിറ്റി ചെയര്‍മാന്‍ കെ. കുഞ്ഞമ്പു അധ്യക്ഷനായി. അങ്കണവാടിയില്‍നിന്നു വിരമിക്കുന്ന ജീവനക്കാരായ കെ. പത്മിനി, വി. കാര്‍ത്ത്യായനി, വി. ജാനകി എന്നിവര്‍ക്കു യാത്രയയപ്പും സംസ്ഥാനത്തെ മികച്ച വര്‍ക്കര്‍മാര്‍ക്കുള്ള അവാര്‍ഡ് നേടിയ വി.വി യമുന, വി. സുനന്ദ എന്നിവരെ അനുമോദിക്കുകയും ചെയ്തു .
നഗരസഭ ക്ഷേമകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഗംഗാ രാധാകൃഷ്ണന്‍, ബ്ലോക്ക് കമ്മിറ്റി ചെയര്‍പേഴ്‌സണ്‍മാരായ ഇന്ദിരാബാലന്‍, സൈനബ, സി.ഡി.പി.ഒ ഒ.എന്‍ മണി, ഐ.സി.ഡി എസ് സൂപ്പര്‍വൈസര്‍മാരായ, ഉഷ, റീജ, രശ്മി, രജീഷ്. എന്നിവര്‍ സംസാരിച്ചു.
നാലു വയസു പ്രായമുള്ള മുഴുവന്‍ കുട്ടികളെയും അങ്കണവാടിയിലേക്ക ്അയക്കാന്‍ മുഴുവന്‍ ആളുകളും തയാറാകണമെന്ന് സംഗമം അഭ്യര്‍ഥിച്ചു