കാഞ്ഞങ്ങാട്: നഗരത്തിന്റെ ഹൃദയ ഭാഗത്തുള്ള കുഴി അപകടഭീഷണിയുയര്‍ത്തുന്നു. കോട്ടച്ചേരി ട്രാഫിക് സര്‍ക്കിളിനടുത്ത് ജനത്തിരക്കേറിയ ഭാഗത്താണ് കുഴിയുള്ളത്. നൂറുക്കണക്കിനാളുകളാണ് ദിനംപ്രതി ഇതിന്നടുത്തുകൂടി നടന്നു പോകുന്നത് . ഇങ്ങനെ ഒരു കുഴിയുള്ള കാര്യം സൂചിപ്പിക്കുന്ന മുന്നറിയിപ്പ് ബോര്‍ഡും ഇവിടെ സ്ഥാപിച്ചിട്ടുമില്ല. തന്മൂലം സ്ത്രീകളും കുട്ടികളും നടന്നു വരുമ്പോള്‍ കുഴിയെക്കുറിച്ച് മുന്നറിയിപ്പ് നല്‍കാനായി തങ്ങള്‍ ഇവിടെ സ്ഥിരം നില്‍ക്കേണ്ട അവസ്ഥയാണെന്ന് സമീപത്തെ കടയുടമകള്‍ പറയുന്നു .