അടിമാലി: യാക്കോബായ സുറിയാനി സഭയുടെ പരമാധ്യക്ഷനായ ഇഗ്നാത്തിയോസ് അഫ്രേം ദ്വിതീയന്‍ പാത്രിയാര്‍ക്കീസ് ബാവയുടെ നേരെയുണ്ടായ ചാവേര്‍ ആക്രമണത്തില്‍ 14-ാം മൈല്‍ മോര്‍ ഇഗ്നാത്തിയോസ് നൂറോനോ യാക്കോബായ പള്ളി ഭരണസമിതി പ്രതിഷേധിച്ചു.
ഭീകര പ്രവര്‍ത്തനങ്ങള്‍ മൂലം ദുരിതം അനുഭവിക്കുന്ന ജനങ്ങളെ ആശ്വസിപ്പിക്കുവാന്‍ ബാവ നടത്തുന്ന ശ്രമങ്ങളെ ലോകം ആദരവോടെയാണ് കാണുന്നത്. ബാവായുടെ പിന്നില്‍ അടിയുറച്ച് കൂറും വിധേയത്വവും പുലര്‍ത്തി പ്രവര്‍ത്തിക്കുമെന്ന് പള്ളി വികാരി ഫാ. മാത്യൂസ് പുല്‍പറമ്പില്‍, സഹവികാരി ഫാ. എല്‍ദോസ് കല്ലറയ്ക്കല്‍, ട്രസ്റ്റിമാരായ കെ.എ. എബ്രഹാം, പി.സി. റെന്നി എന്നിവര്‍ അറിയിച്ചു.