വിരാജ്‌പേട്ട: ഇസ്‌ലാം സമാധാനവും സ്‌നേഹവുമാണു ലോകത്തിന് സമര്‍പ്പിച്ചതെന്നും ഈ രംഗത്തെ എസ്.കെ.എസ്.എസ്.എഫിന്റെ പ്രവര്‍ത്തനം ശ്രദ്ധേയമാണെന്നും എസ്.കെ.എസ്.എസ്.എഫ് കേരളഘടകം പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍.
എസ്.കെ.എസ്.എസ്.എഫ് കുടക് ജില്ലാ സമ്മേളനത്തിന്റെ സമാപനച്ചടങ്ങില്‍ അധ്യക്ഷനായി സംസാരിക്കുകയായിരുന്നു അദ്ദേഹം. സമസ്ത വിദ്യാഭ്യാസ ബോര്‍ഡ് സെക്രട്ടറി എം.ടി അബ്ദുല്ല മുസ്‌ലിയാര്‍ സമാപന സമ്മേളനം ഉദ്ഘാടനം ചെയ്തു. കുടക് ഖാസി പൂക്കളം അബ്ദുല്ല മുസ്‌ലിയാര്‍ പ്രാര്‍ഥന നടത്തി. സമ്മേളനത്തിനു മുഖ്യരക്ഷാധികാരി പി.കെ മുഹമ്മദ് ഹാജി പതാക ഉയര്‍ത്തി. ഒന്നാം സെഷന്‍ ജംഇയ്യത്തുല്‍ മുഅല്ലിമീന്‍ സെക്രട്ടറി കുടക് അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. നൗഷാദ് ഫൈസി അധ്യക്ഷനായി. എസ്.കെ.എസ്.എസ്.എഫ് ചരിത്രം പ്രയാണം എന്ന വിഷയം സത്താര്‍ പന്തല്ലൂര്‍ അവതരിപ്പിച്ചു. രണ്ടാം സെഷന്‍ എം.എം അബ്ദുല്ല ഫൈസി ഉദ്ഘാടനം ചെയ്തു. ആരിഫ് ഫൈസി അധ്യക്ഷനായി. ഇത്തിബാഉ റസൂല്‍ എന്ന വിഷയം ആസിഫ് ദാരിമി പുളിക്കല്‍ അവതരിപ്പിച്ചു. സമാപന ദിക്‌റ് ദുആ മജ്‌ലിസിനു എം.എം അബ്ദുല്ല ഫൈസി നേതൃത്വം നല്‍കി. അബ്ദുസമദ് പൂക്കോട്ടൂര്‍, അനീസ് കൗസരി, തംലീഖ് ദാരിമി സംസാരിച്ചു. സയ്യിദ് വി.പി.എസ് മുത്തുക്കോയ തങ്ങള്‍, കെ.എം ഇബ്രാഹിം ഹാജി, എസ്.എച്ച് മൊയ്‌നുദീന്‍, കൂതംണ്ട സച്ചിന്‍ കുട്ടയ്യ, കെ ഉസ്മാന്‍ ഹാജി സിദ്ധാപുരം, കെ.എ യഅ്ഖൂബ് ബജഗുണ്ടി, പി.ബി ഇസ്മാഈല്‍ മുസ്‌ലിയാര്‍, കെ.പി അബൂബക്കര്‍ മുസ്‌ലിയാര്‍, സി.പി.എം ബഷീര്‍ ഹാജി, വൈ.എം ഉമര്‍ ഫൈസി, പി.ടി രമേശ്, എസ്.എ ഹുസൈന്‍, എ.സി ഉസ്മാന്‍ ഫൈസി, ആര്‍.കെ മുഹമ്മദ് റാഫി, ബാപ്പു ഹാജി, ബീരാന്‍കുട്ടി ഹാജി, ഹുസൈന്‍ മുസ്‌ലിയാര്‍, കെ.എം ബഷീര്‍, എറമുല്ലാന്‍ ഹാജി, മുഹമ്മദ് ഫൈസി ഇര്‍ഫാനി, കെ.പി അബൂബക്കര്‍ മുസ്‌ലിയാര്‍, എം അബ്ദുല്ല മുസ്‌ലിയാര്‍, സി.എച്ച് അലി പങ്കെടുത്തു.