വല്ലപ്പുഴ: പതിമൂന്നാം പഞ്ചവല്‍സര പദ്ധതിയുടെ ഭാഗമായി കേരള സര്‍ക്കാര്‍ പ്രഖ്യാപിച്ച നവകേരള മിഷനില്‍ ഉള്‍പ്പെട്ട ആര്‍ദ്രം, ഹരിത കേരളം, ലൈഫ്, പൊതുവിദ്യഭ്യാസ സംരക്ഷണ യജ്ഞം എന്നിവ സംയോജിപ്പിച്ച് നടപ്പില്‍ വരുത്തുന്നതിന്നു വേണ്ടി ചളവറ ഗ്രാമ പഞ്ചായത്ത് തല വികസന മിഷന്‍ രൂപീകരണ കണ്‍വന്‍ഷന്‍ നടത്തി. ജില്ലാ പഞ്ചായത്ത് അംഗം പി.കെ. സുധാകരന്‍ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് പി. വത്സല അധ്യക്ഷയായി. എം.പി.ഗോവിന്ദ രാജന്‍ മാസ്റ്റര്‍ വിഷയാവതരണം നടത്തി. ഗ്രാമപഞ്ചായത്ത് വൈസ് പ്രസിഡന്റ് സി ഉണ്ണികൃഷ്ണന്‍, സെക്രട്ടറി  സ്റ്റാലിന്‍ ഗോമസ്, പഞ്ചായത്ത് ആസൂത്രണ സമിതി ഉപാധ്യക്ഷന്‍ ഇ. ചന്ദ്രബാബു, ടി. വിലാസിനി, ടി. സുധിന, എ.പി. സത്യപാലന്‍, ബ്ലോക്ക് മെമ്പര്‍മാരായ സി. പ്രീത, കെ.വി. ഷീല, പഞ്ചായത്ത് അംഗങ്ങളായ, അബ്ദുല്‍ റഹ്മാന്‍, കെ.വി. ജയന്‍ മാസ്റ്റര്‍ സംസാരിച്ചു.