കോയമ്പത്തൂര്‍: ചെന്നൈ ഗോരമണ്ടല്‍ സൂപ്പര്‍ ഫാസ്റ്റ് എക്‌സ്പ്രസില്‍ റിസര്‍വേഷന്‍ കമ്പാര്‍ട്ട്‌മെന്റില്‍ ടിക്കറ്റില്ലാതെ യാത്ര ചെയ്ത ബാലനെ ടി.ടി.ഇ രോഷാകുലനായി പുറത്തേക്ക് തള്ളിയിട്ടു. ഗുരുതരമായി പരുക്കേറ്റ ബാലനെ ആശുപത്രിയില്‍ പ്രവേശിപ്പിച്ചു. കൃഷ്ണ (19) എന്ന ബാലനെയാണ് ടി.ടി.ഇ ഓടുന്ന ട്രെയിനില്‍നിന്നു പുറത്തേക്ക് തള്ളിയിട്ടത്. വണ്ടി വിശാഖപട്ടണത്തിനടുത്തു ഓടിക്കൊണ്ടിരിക്കെയാണ് സംഭവം. യാത്രക്കാര്‍ വിവരം റെയില്‍വെ പൊലിസിനെ അറിയിച്ചതിനെ തുടര്‍ന്ന് പൊലിസാണ് ഗുരുതരമായി പരുക്കേറ്റ ബാലനെ ആശുപത്രിയില്‍ എത്തിച്ചത്. പൊലിസ് ടി.ടി.ഇയെ ചോദ്യം ചെയ്തുവരുന്നു.