തിരുവനന്തപുരം: കര്‍ണാടകയിലെ ഗുല്‍ബര്‍ഗയില്‍ റാഗിങിനിരയായി കോഴിക്കോട് മെഡിക്കല്‍ കോളജ് ആശുപത്രിയില്‍ കഴിയുന്ന അശ്വതിയുടെ ചികിത്സാചെലവും പഠനചെലവും ഏറ്റെടുക്കാന്‍ തയാറായി ജെ.ഡി.ടി ഇസ്‌ലാം ഓര്‍ഫനേജ് എന്ന സന്നദ്ധ സംഘടന രംഗത്ത് വന്നതായി മുഖ്യമന്ത്രി പിണറായി വിജയന്‍ പറഞ്ഞു. നിലവില്‍ അശ്വതിയുടെ ചികിത്സാചെലവ് വഹിക്കുന്നത് സര്‍ക്കാരാണ്.
അശ്വതിയുടെ തുടര്‍പഠനം ജെ.ഡി.ടി ഇസ്‌ലാം കോളജ് ഓഫ് നഴ്‌സിങ് ഏറ്റെടുക്കും.
അശ്വതിയെ സൗജന്യമായി പഠിപ്പിക്കാനുള്ള സന്നദ്ധത ജെ.ഡി.ടി ഇസ്‌ലാം സെക്രട്ടറി സി.പി കുഞ്ഞിമുഹമ്മദ് മുഖ്യമന്ത്രി പിണറായി വിജയനെ നേരിട്ടറിയിച്ചു.