ഫറോക്ക്: ഓടിക്കൊണ്ടിരിക്കുന്ന വാഹനത്തിന്റെ ടാങ്ക് പൊട്ടി റോഡില്‍ ഡീസല്‍ പരന്നു. ഫറോക്ക് മുനിസിപ്പല്‍ ബസ് സ്റ്റാന്‍ഡിനു മുന്‍വശത്ത് റോഡില്‍ ഇന്നലെ പതിനൊന്നരയോടെ ബുക്ക് ഡിപ്പോയില്‍ നിന്നു ഗണപത് ഹൈസ്‌കൂളിലേക്ക് പുസ്തകവുമായി വരുന്ന ഇന്നോവ കാറിന്റെ ടാങ്ക് പൊട്ടിയാണ് ഡീസല്‍ പരന്നത്. വാഹനങ്ങള്‍ തെന്നിപ്പോകുന്നത് കണ്ടു നാട്ടുകാര്‍ ഇതിലൂടെയുള്ള ഗതാഗതം തടഞ്ഞുനിര്‍ത്തി ഫയര്‍ഫോഴ്‌സിനെ വിവരമറിയിക്കുകയായിരുന്നു.
മീഞ്ചന്ത ഫയര്‍ഫോഴ്‌സെത്തി റോഡില്‍ പരന്ന ഡീസല്‍ വെള്ളം പമ്പ് ചെയ്താണ് നീക്കം ചെയ്തത്.