തിരുവനന്തപുരം: സ്വാശ്രയ എന്‍ജിനീയറിങ് പ്രവേശനം സംബന്ധിച്ച് മാനേജ്‌മെന്റ് അസോസിയേഷനുമായി വിട്ടുവീഴ്ചക്കില്ലെന്ന് സര്‍ക്കാര്‍ വ്യക്തമാക്കി.

പ്രവേശന പരീക്ഷയുടെ മെറിറ്റിന്റെ അടിസ്ഥാനത്തില്‍ മാത്രമേ പ്രവേശനം അനുവദിക്കുകയുള്ളൂവെന്നും സീറ്റ് നികത്തലല്ല പ്രധാനമെന്നും അസോസിയേഷന്‍ ഭാരവാഹികളുമായുള്ള ചര്‍ച്ചക്കുശേഷം വിദ്യാഭ്യാസമന്ത്രി പ്രൊഫ.സി രവീന്ദ്രനാഥ് വ്യക്തമാക്കി.

ഇക്കാര്യത്തില്‍ ഇനി തീരുമാനം എടുക്കേണ്ടത് സ്വാശ്രയ മാനേജ്‌മെന്റുകളാണെന്നും മന്ത്രി കൂട്ടിച്ചേര്‍ത്തു.

എന്നാല്‍ നാളെ രാവിലെ പതിനൊന്നുമണിക്ക് തിരുവനന്തപുരത്ത് അടിയന്തിര എക്‌സിക്യൂട്ടീവ് ചേര്‍ന്നശേഷം നിലപാട് പ്രഖ്യാപിക്കുമെന്ന് സ്വാശ്രയ മാനേജ്‌മെന്റ് അസോസിയേഷന്‍ സെക്രട്ടറി കെ.എം മൂസ പറഞ്ഞു.