വളാഞ്ചേരി: കോളജ് വിദ്യാര്‍ഥികളെ ലക്ഷ്യമിട്ടു ജില്ലയിലുടനീളം കഞ്ചാവ് എത്തിച്ചുനല്‍കുന്ന രണ്ടത്താണി പൂവഞ്ചേരി വീട്ടില്‍ നസീബി (28) നെയാണ് പൊലിസ് പിടികൂടി. നാലു കിലോ കഞ്ചാവുമായി വളാഞ്ചേരിയിലെ പ്രമുഖ കോളജ് പരിസരത്തുനിന്നാണ് ഇയാളെ അറസ്റ്റ് ചെയ്തത്.
തമിഴ്‌നാട്, ആന്ധ്രാപ്രദേശ് എന്നിവിടങ്ങളില്‍നിന്നു ട്രെയിന്‍ മാര്‍ഗം എത്തിക്കുന്ന കഞ്ചാവ് പിടിക്കപ്പെടാതിരിക്കാന്‍ പൊതികളില്‍ സുഗന്ധദ്രവ്യം പുരട്ടിയാണ് കേരളത്തിലെത്തിക്കുന്നത്. തിരൂര്‍ ഡിവൈ.എസ്.പി എ.ജെ ബാബുവിന്റെ നേതൃത്വത്തിലുള്ള പ്രത്യേക അന്വേഷണ സംഘത്തിലെ വളാഞ്ചേരി എസ്.ഐ ബഷീര്‍ സി. ചിറക്കല്‍, എസ്.സി.പി.ഒമാരായ അബ്ദുല്‍ അസീസ്, ജയപ്രകാശ്, സുരേഷ് കുമാര്‍, സുധീര്‍, അനീഷ്, അരുണ്‍, സനല്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.
ഇയാളെ വടകര എന്‍.ഡി.പി.എസ് കോടതിയില്‍ ഹാജരാക്കി റിമാന്‍ഡ് ചെയ്തു.