മലപ്പുറം: എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍കോട്ടിക് സ്‌പെഷല്‍ സ്‌ക്വാഡ് വണ്ടൂരില്‍ നടത്തിയ പരിശോധനയില്‍ എട്ടു കിലോ കഞ്ചാവുമായി തമിഴ്‌നാട് കമ്പം സ്വദേശി വനരാജ (47) പിടിയിലായി.
ഇയാള്‍ ഇതിനു മുന്‍പും പലപ്പോഴായി ജില്ലയിലേക്കു കഞ്ചാവ് കടത്തുന്നുണ്ടെന്ന് എക്‌സൈസ് ഇന്റലിജന്‍സ് ബ്യൂറോ റിപ്പോര്‍ട്ട് ചെയ്തതിന്റെ അടിസ്ഥാനത്തില്‍ നടത്തിയ പരിശോധനയിലാണ് പിടിയിലായത്. കഴിഞ്ഞ ഒന്നര വര്‍ഷത്തിനിടെ 100 കിലോയിലധികം കഞ്ചാവ് മലപ്പുറം എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍കോട്ടിക് സ്‌പെഷല്‍ സ്‌ക്വാഡ് ജില്ലയുടെ വിവിധ ഭാഗങ്ങളില്‍നിന്നു കണ്ടെത്തിയിട്ടുണ്ട്. ഡെപ്യൂട്ടി എക്‌സൈസ് കമ്മിഷണര്‍ വി.ആര്‍ അനില്‍കുമാറിന്റെ നിര്‍ദേശാനുസരണം എക്‌സൈസ് ഇന്‍സ്‌പെക്ടര്‍ ടി. അശോക് കുമാറിന്റെ നേതൃത്വത്തില്‍ നടത്തിയ പരിശോധനയില്‍ പ്രിവന്റീവ് ഓഫിസര്‍ ടി. ഷിജുമോന്‍, സിവില്‍ എക്‌സൈസ് ഓഫിസര്‍മാരായ കെ.എസ് അരുണ്‍കുമാര്‍, പി. സഫീറലി, പ്രഭാകരന്‍ പള്ളത്ത്, എക്‌സൈസ് ഡ്രൈവര്‍ അബ്ദുറഹിമാന്‍ എന്നിവരാണുണ്ടായിരുന്നത്.