കണ്ണൂര്‍: കണ്ണൂര്‍ സര്‍വകലാശാല എന്‍.എസ്.എസും സംസ്ഥാന എക്‌സൈസ് വകുപ്പും സംയുക്തമായി ലഹരി വിരുദ്ധ കലാജാഥ സംഘടിപ്പിക്കും. കലാജാഥയുടെ ഉദ്ഘാടനം ഇന്ന് രാവിലെ പത്തിന് പിലാത്തറ സെന്റ് ജോസഫ് കോളജില്‍ കണ്ണൂര്‍ ഡിവിഷന്‍ ഡെപ്യൂട്ടി എക്‌സൈസ് കമ്മിഷനര്‍ വി.വി സുരേന്ദ്രന്‍ നിര്‍വഹിക്കും. പിലാത്തറ സെന്റ് ജോസഫ് കോളജ് സോഷ്യല്‍വര്‍ക്ക് വിഭാഗം തലവന്‍ ടോമി ജേക്കബ് അധ്യക്ഷനാകും.
കെ.പി മുഹമ്മദ് മുഖ്യപ്രഭാഷണം നടത്തും. മൂന്നു ദിവസം നീണ്ടു നില്‍ക്കുന്ന കലാജാഥ പര്യടന വേളയില്‍ ഒന്‍പത് കോളജുകള്‍ സന്ദര്‍ശിക്കും. കലാജാഥ 23ന് താവക്കരയില്‍ സമാപിക്കും.