കാസര്‍കോട്: മദ്‌റസാ അധ്യാപകനെ വെട്ടിക്കൊലപ്പെടുത്തിയ കേസില്‍ അന്വേഷണത്തിനായി പ്രത്യേക അന്വേഷണം സംഘം രൂപീകരിച്ചു. സംസ്ഥാന പൊലിസ് മേധാവി ലോക്‌നാഥ് ബെഹ്‌റയാണ് പ്രത്യേക സംഘത്തെ നിയോഗിച്ചത്. കണ്ണൂര്‍ ക്രൈംബ്രാഞ്ച് എസ്.പി ഡോ. എ.ശ്രീനിവാസ് അന്വേഷണത്തിന് നേതൃത്വം നല്‍കും. മാനന്തവാടി ജോയിന്റ് എസ്.പി ജയ്‌ദേവ്.ജി, മലപ്പുറം ഡി.സി.ആര്‍.ബി ഡിവൈ.എസ്.പി എം.പി മോഹനചന്ദ്രന്‍ നായര്‍, തളിപ്പറമ്പ് സി.ഐ പി.കെ സുധാകരന്‍ എന്നിവര്‍ അംഗങ്ങളാണ്. കണ്ണൂര്‍ റേഞ്ച് ഐ.ജി മഹിപാല്‍ യാദവ് അന്വേഷണത്തിന് മേല്‍നോട്ടം വഹിക്കും.