മുഹമ്മ: സ്‌കൂള്‍ കുട്ടികള്‍ക്ക് കഞ്ചാവ് വില്‍പ്പന നടത്തുന്ന മൂന്നു പേരെ മുഹമ്മ പോലീസ് പിടികൂടി.
കാട്ടുകട ലക്ഷ്മീ സദനത്തില്‍ വിഷ്ണുപ്രസാദ് (29), കഞ്ഞിക്കുഴി പഞ്ചായത്ത് പോളക്കാടന്‍ കവലയ്ക്കു സമീപം ദ്വാരകയില്‍ അമല്‍ (19), കാട്ടുകട സ്വദേശി നന്ദകുമാര്‍ (19) എന്നിവരെയാണ് മുഹമ്മ പോലീസ് പിടികൂടിയത്. കായലോര മേഖല കേന്ദ്രീകരിച്ച് സ്‌കൂള്‍ കുട്ടികള്‍ക്ക് കഞ്ചാവ് വില്‍പ്പന നടത്തിവന്ന സംഘമാണ് പിടിയിലായത്. രക്ഷിതാക്കളുടെ പരാതിയില്‍ മുഹമ്മ എസ് ഐ പ്രതാപചന്ദ്രന്റെ നേതൃത്വത്തില്‍ നടത്തിയ അന്വേഷണത്തിലാണ് സംഘം പിടിയിലായത്.
നന്ദകുമാറിനെയാണ് ആദ്യം പിടികൂടിയത്. ഇയാളെ ചോദ്യം ചെയ്തതിനെത്തുടര്‍ന്ന് മറ്റുള്ളവരെക്കുറിച്ചും വിവരം ലഭിക്കുകയായിരുന്നു.