കണ്ണൂര്‍: നിയമസഭാ തെരഞ്ഞെടുപ്പ് ജില്ലയില്‍ വിജയകരമായി നടത്തുന്നതിന് മാതൃകാപരമായ പ്രവര്‍ത്തനം നടത്തിയ കണ്ണൂര്‍ റവന്യൂ വകുപ്പിലെ ആറ് ഉദ്യോഗസ്ഥര്‍ക്ക് കലക്ടര്‍ ഗുഡ് സര്‍വിസ് എന്‍ട്രി നല്‍കി ഉത്തരവായി. ഇലക്ഷന്‍ ഡെപ്യൂട്ടി കലക്ടര്‍ സി സജീവ്, ജൂനിയര്‍ സൂപ്രണ്ട് വി.കെ പ്രഭാകരന്‍, റവന്യൂ ഇന്‍സ്‌പെക്ടര്‍ ഇ സൂര്യകുമാര്‍, സീനിയര്‍ ക്ലര്‍ക്കുമാരായ എ.കെ ആരിഫ്, കെ സജീവന്‍, ക്ലര്‍ക്ക് മുഹമ്മദ് ജുനൈദ് എന്നിവര്‍ക്കാണ് ബഹുമതി ലഭിച്ചത്.