തിരുവനന്തപുരം: മികച്ച ഇസ്‌ലാമിക പണ്ഡിതന് തിരുവനന്തപുരം റോട്ടറി ക്ലബ് റോയല്‍ ഏര്‍പെടുത്തിയ കര്‍മ്മശ്രേഷ്ഠാ പുരസ്‌കാരത്തിന് കേരളാ ഖത്തീബ്‌സ് ആന്റ് ഖാസി ഫോറം സംസ്ഥാന പ്രസിഡന്റും കേശവദാസപുരം ജുമാമസ്ജിദ് ചീഫ് ഇമാമുമായ പാനിപ്ര ഇബ്രാഹിം മൗലവി അര്‍ഹനായി . 22 വര്‍ഷമായി കേശവദാസപുരം ജുമാമസ്ജിദ് ചീഫ് ഇമാമാണ്. ദക്ഷിണകേരളാ ജംഇയ്യത്തുല്‍ ഉലമാ സെന്‍ട്രല്‍ കൗണ്‍സില്‍ അംഗം, സ്പിരിച്വല്‍ ലീഡേഴ്‌സ് ഫോറം വൈസ്പ്രസിഡന്റ് തുടങ്ങിയ പദവികളും വഹിക്കുന്ന മൗലവി മാനവസൗഹൃദത്തിനും സമൂഹനന്മയ്ക്കും നടത്തുന്ന പ്രവര്‍ത്തനങ്ങള്‍ പരിഗണിച്ചാണ് അവാര്‍ഡ്. 29ന് തിരുവനന്തപുരത്ത് ഹില്‍ട്ടന്‍ ഗ്രാന്റ് ഹോട്ടലില്‍ നടക്കുന്ന പരിപാടിയില്‍ മന്ത്രി കടന്നപ്പള്ളി രാമചന്ദ്രന്‍ പുരസ്‌കാരം നല്‍കുമെന്നു റോട്ടറി ക്ലബ് റോയല്‍ ജനറല്‍ സെക്രട്ടറി ഡോ. മോസസ് ഡിക്രൂസ് അറിയിച്ചു.