റിയാദ്: സഊദിക്ക് നേരെ യമനിലെ വിമത വിഭാഗമായ ഹൂതികള്‍ രണ്ടു മിസൈല്‍ വിക്ഷേപിച്ചു. അതിര്‍ത്തി പ്രദേശമായ ഖമീസ് മുശൈത് ലക്ഷ്യമാക്കി വന്ന ഒരു മിസൈല്‍ സഊദി വ്യോമ പ്രതിരോധ സേന തകര്‍ക്കുകയും മറ്റൊന്ന് മരുഭൂമിയില്‍ തകര്‍ന്നു വീഴുകയുമായിരുന്നവെന്നു സഊദിയുടെ നേതൃത്വത്തിലുള്ള സഖ്യ സേന വക്താവ് കേണല്‍ തുര്‍ക്കി അല്‍ മാലികി പറഞു.

ശനിയാഴ്ച വൈകീട്ടാണ് മിസൈല്‍ സഊദിക്ക് നേരെ കുതിച്ചത്. എന്നാല്‍ മിസൈല്‍ വേദ സംവിധാനമായ പാട്രിയേറ്റ് മിസൈലുകള്‍ ഉപയോഗിച്ച് ഇത് ആകാശത്തു വെച്ച് തന്നെ തകര്‍ക്കുകയായിരുന്നു. എന്നാല്‍, ജനവാസ കേന്ദ്രം ലക്ഷ്യമാക്കിയെത്തിയ മറ്റൊരു മിസൈല്‍ മരുഭൂമിയില്‍ തകര്‍ന്നു വീണതായും നാശ നഷ്ടങ്ങളോ ആളപായമോ ഉണ്ടായില്ലെന്നും സഖ്യ സേന വക്താവ് വിശദീകരിച്ചു. യമനിലെ സഅദയില്‍ നിന്നാണ് മിസൈല്‍ വിക്ഷേപണം നടത്തിയത്.