കായംകുളം: കൃഷ്ണപുരം മാമ്പ്രക്കന്ന വെലല്‍ക്രോസ് വാഹനമിടിച്ച് തകരാറിലായതിനെ തുടര്‍ന്ന് രണ്ടുമണിക്കൂര്‍ ഗതാഗതം തടസപ്പെട്ടു.
ഇന്നലെ രാവിലെ 7.30ന് ട്രെയിന്‍ കടന്നുപോകാന്‍ ഗേറ്റ് താഴ്തുന്നതിനിടയില്‍ എത്തിയ മിനിലോറി തട്ടിയാണ് ഗേറ്റ് തകരാറിലായത്.
തിരക്കേറിയ സമയമായതിനാല്‍ സ്‌കൂള്‍ വാനുകള്‍ ഉള്‍പ്പെടെയുള്ളവ മറ്റ് റോഡിലൂടെ തിരിച്ചുവിടേണ്ടിവന്നതോടെ ഗതാഗതതടസം രൂക്ഷമായി.
ദേശീയപാതയില്‍നിന്നും മാവേലിക്കര,കുറ്റിത്തെരുവ്,ചൂനാട്,താമരക്കുളം എന്നിവിടങ്ങളിലേക്കും തിരിച്ചും പോകേണ്ട വാഹന യാത്രക്കാരാണ് വലഞ്ഞത്.
പിന്നീട് ഒമ്പതരയോടെ ഗേറ്റിന്റെ തകരാര്‍ പരിഹരിച്ചശേഷമാണ് ഗതാഗതം പുനസ്ഥാപിച്ചത്.