പൂച്ചാക്കല്‍: വിദേശ മദ്യവില്‍പന ശാലയ്‌ക്കെതിരേ അരൂക്കുറ്റി ജനകീയ സമര സമിതിയുടെ ആഭിമുഖ്യത്തില്‍ പ്രതിഷേധ സംഗമവും സായാഹ്ന ധര്‍ണയും നടത്തി.
അരൂക്കുറ്റി ജങ്ഷനില്‍ നടന്ന പരിപാടി കേരളാ കാത്തലിക് ബിഷപ്‌സ് കൗണ്‍സില്‍ മദ്യവിരുദ്ധ സമിതി പ്രസിഡന്റ് റവ.ഫാ.പോള്‍ കാരാച്ചിറ ഉദ്ഘാടനം ചെയ്തു. ചെയര്‍മാന്‍ കെ.ബി കൃഷ്ണകുമാര്‍ അധ്യക്ഷതവഹിച്ചു. വടുതല സെന്ററല്‍ ജുമാമസ്ജിദ് ഇമാം ഷാജഹാന്‍ മൗലവി മുഖ്യപ്രഭാഷണം നടത്തി.
അരൂക്കുറ്റി പാദുവാപുരം പള്ളി വികാരി ഫാ.ആന്റണി തമ്പി തൈക്കൂട്ടത്തില്‍, മാക്കാര്‍ മൗലവി, ഷാജഹാന്‍, എസ് രാജേഷ്, എന്‍.എ സക്കരിയ്യ, കെ.പി കബീര്‍, മുബീറ, സി.കെ അഷ്‌റഫ്, കെ.ഇ കുഞ്ഞുമുഹമ്മദ്, എം.എസ് നിധീഷ് ബാബു എന്നിവര്‍ സംസരിച്ചു.