ഡോന്‍ഗെ സിറ്റി: നിലവിലെ ചാംപ്യന്‍മാരായ ഇന്ത്യയെ വീഴ്ത്തി ആതിഥേയരായ ദക്ഷിണ കൊറിയ ഏഷ്യന്‍ ചാംപ്യന്‍സ് ട്രോഫി വനിതാ ഹോക്കി കിരീടം സ്വന്തമാക്കി. ഫൈനലില്‍ മറുപടിയില്ലാത്ത ഒറ്റ ഗോളിനാണ് കൊറിയ വിജയം പിടിച്ചത്. കളിയുടെ 24ാം മിനുട്ടില്‍ യങ്‌സില്‍ ലീയാണ് കൊറിയക്കായി വിജയ ഗോള്‍ നേടിയത്. പരാജയത്തിനിടയിലും ടൂര്‍ണമെന്റിലെ മികച്ച താരമായി ഇന്ത്യയുടെ വന്ദന കടാരിയയെ തിരഞ്ഞെടുത്തു. ഇന്ത്യയുടെ യുവ മുന്നേറ്റ താരം ലാല്‍റെംസിയാമി ഭാവി താരത്തിനുള്ള പുരസ്‌കാരവും സ്വന്തമാക്കി.