പെരിന്തല്‍മണ്ണ: സാംസ്‌കാരിക വേദിയുടെ സ്മാര്‍ട്ട് മണലായ പരിപാടിയുടെ ഭാഗമായി ആനമങ്ങാട് മണലായ മുതുകുര്‍ശി റോഡിലെ പുന്നക്കോട് ഭാഗത്ത് സേവന പ്രവര്‍ത്തനങ്ങള്‍ സംഘടിപ്പിച്ചു. റോഡിന് വശങ്ങളിലായി മൂടി കിടന്നിരുന്ന കാടുകള്‍ വെട്ടിമാറ്റുകയും ശുചീകരണം നടത്തുകയും ചെയ്തു. ആലിപറമ്പ് പഞ്ചായത്ത് വൈസ് പ്രസിഡന്റ് മോഹന്‍ദാസ് ഉദ്ഘാടനം ചെയ്തു. സാംസ്‌കാരിക വേദി സെക്രട്ടറി, അഫ്‌സാര്‍ ബാബു, അബ്ദുല്‍ മുഹൈമില്‍, അനീഷ്, അമാന്‍, മുഹമ്മദ് അസ്‌ലം, ഫായിസ്, അബ്ദുല്‍ അവ്വല്‍, ഫഹദ്, സല്‍മാന്‍ എന്നിവര്‍ നേതൃത്വം നല്‍കി.