പുതുക്കാട്: ചെങ്ങാലൂരിലുള്ള ഓട്ടിസം പാര്‍ക്ക് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് സന്ദര്‍ശിച്ചു. കുട്ടികളും രക്ഷിതാക്കളും ബി.ആര്‍.സി അംഗങ്ങളും ചേര്‍ന്ന് മന്ത്രിയെ സ്വീകരിച്ചു. നിലവിലുള്ള സൗകര്യങ്ങള്‍ വിലയിരുത്തുകയും അധ്യാപകര്‍ക്ക് നിര്‍ദ്ദേശങ്ങള്‍ നല്‍കുകയും ചെയ്തു. ഓട്ടിസം പാര്‍ക്കില്‍ കൂടുതല്‍ സൗകര്യങ്ങള്‍ ഒരുക്കന്നതിന് സര്‍ക്കാരിന്റെ എല്ലാ സഹായവും മന്ത്രി വാഗ്ദാനം ചെയ്തു. ജില്ലാ പഞ്ചായത്ത് പൊതുമരാമത്തു സ്ഥിരം സമിതി ചെയര്‍മാന്‍ കെ.ജെ ഡിക്‌സണ്‍ യോഗത്തില്‍ അധ്യക്ഷനായി.
ബി.പി.ഒ നന്ദകുമാര്‍, പി.വി ആന്റു, ഗ്ലിന്‍ഡ ലൂയിസ്, റോഷന്‍ പീറ്റര്‍, പി.വി ലിജി, അനുപം, സിമി സംസാരിച്ചു. ഓട്ടിസം പാര്‍ക്കില്‍ വരുത്തേണ്ട പരിഷ്‌കരണങ്ങളെ സംബന്ധിച്ചുള്ള നിവേദനം രക്ഷിതാക്കള്‍ മന്ത്രിക്ക് സമര്‍പ്പിച്ചു.