മലപ്പുറം: എസ്.എസ്.എല്‍.എസി, ഹയര്‍സെക്കന്‍ഡറി പരീക്ഷയിലെ ചോദ്യപ്പേപ്പറുകളില്‍ വിദ്യാര്‍ഥികളെ പരിഗണിക്കാതെയും നിലവാരം കാത്തുസൂക്ഷിക്കാതെയും അച്ചടിച്ചു വിതരണം ചെയ്തു വിദ്യാര്‍ഥികളെ പ്രയാസത്തിലാക്കിയെന്നാരോപിച്ചു എം.എസ്.എഫ് ഡി.ഡി ഓഫിസ് മാര്‍ച്ച് നടത്തി.
ചോദ്യപ്പേപ്പര്‍ തയാറാക്കിയവര്‍ക്കെതിരേ നടപടിയെടുക്കണമെന്നും ബന്ധപ്പെട്ട പരീക്ഷകള്‍ വീണ്ടണ്ടും നടത്തണമെന്നും സര്‍ക്കാര്‍ വിദ്യാര്‍ഥികളോട് മാപ്പ് പറയണമെന്നും എം.എസ്.എഫ് ആവശ്യപ്പെട്ടു. സംസ്ഥാന ട്രഷറര്‍ യൂസുഫ് വല്ലാഞ്ചിറ ഉദ്ഘാടനം ചെയ്തു. ജില്ലാ പ്രസിഡന്റ് ടി.പി ഹാരിസ് അധ്യക്ഷനായി.
വി.പി അഹമ്മദ് സഹീര്‍, നിസാജ് എടപ്പറ്റ, ജുനൈദ് പാമ്പലത്ത്, സാദിഖ് കൂളമഠത്തില്‍, റിയാസ് പുല്‍പറ്റ, ടി. നിയാസ്, ഇ.വി ഷാനവാസ്, സി.പി ഹരിസ്, മുഹമ്മദലി നരിക്കുന്ന്, ഖമറുസ്സമാന്‍ മൂര്‍ക്കത്ത്, സാലിഹ് മാടമ്പി, കെ. ഫാരിസ്, ഷമീര്‍ എടയൂര്‍, ശംസീര്‍ മേലേതില്‍, പി.കെ ബാവ, ബാവ വിസപ്പടി, അഷ്‌റഫ് പാറച്ചോടന്‍, സജീര്‍ കളപ്പാടന്‍, ലത്തീഫ് മുണ്ടണ്ടുപറമ്പ് സംസാരിച്ചു.

സ്പീക്കര്‍ ശ്രീരാമകൃഷ്ണന്‍
അലിഗഢ്
മലപ്പുറം കേന്ദ്രം സന്ദര്‍ശിച്ചു
പെരിന്തല്‍മണ്ണ: കേരളാ നിയമസഭാ സ്പീക്കര്‍ പി. ശ്രീരാമകൃഷ്ണന്‍ അലിഗഢ് മലപ്പുറം കേന്ദ്രം സന്ദര്‍ശിച്ചു. കേന്ദ്രം ഡയറക്ടര്‍ പ്രൊഫ. കെ.എം അബ്ദുര്‍ റഷീദിന്റെ നേതൃത്വത്തില്‍ അധ്യാപക-അനധ്യാപക ജീവനക്കാരും വിദ്യാര്‍ഥികളും ചേര്‍ന്ന് സ്വീകരണം നല്‍കി. കേരളത്തിന്റെ മതേതര ഭൂമികയില്‍ അലിഗഢ് മുസ്‌ലിം യൂനിവേഴ്‌സിറ്റി ഉയര്‍ത്തിപ്പിടിക്കുന്ന ബഹുസ്വരതയും മൂല്യങ്ങളും ഏറെ പ്രസക്തമാണെന്ന് അദ്ദേഹം പറഞ്ഞു.  സ്വപ്ന പദ്ധതിയായ അലിഗഢ് മലപ്പുറം കേന്ദ്രത്തിന്റെ വികസനത്തിനു വേണ്ടി തിരുവനന്തപുരത്ത് ഉന്നതതല യോഗം സംഘടിപ്പിക്കുമെന്ന് കേന്ദ്രം ഡയറക്ടര്‍ പ്രൊഫ. കെ.എം അബ്ദുര്‍ റഷീദ് പറഞ്ഞു.
      ടി. അഫ്‌സാര്‍ ബാബു, അസിസ്റ്റന്റ് റജിസ്ട്രാര്‍ അഹസംഖാന്‍ സംസാരിച്ചു.