കണ്ണൂര്‍: മാനവരാശിയുടെ ജീവിതവിജയത്തിനുള്ള മാര്‍ഗരേഖയും ഭരണഘടനയുമായ ഖുര്‍ആനിലേക്കുള്ള പരിപൂര്‍ണ മടക്കത്തിലൂടെ മാത്രമേ ഇഹപര വിജയം നേടിയെടുക്കാന്‍ സാധിക്കുകയുള്ളൂവെന്ന് സമസ്ത ജില്ലാ സെക്രട്ടറി മാണിയൂര്‍ അബ്ദുറഹ്മാന്‍ ഫൈസി. ജില്ലാ ജംഇയ്യത്തുല്‍ മുഅല്ലിമീന്‍ പള്ളികള്‍ കേന്ദ്രീകരിച്ച് റമദാനില്‍ നടപ്പാക്കുന്ന ഖുര്‍ആന്‍ പാരായണ പരിശീലന ക്ലാസിന്റെ(തര്‍തീല്‍) ജില്ലാതല ഉദ്ഘാടനം തലശ്ശേരി പൊന്ന്യം സ്രാമ്പി ജുമാമസ്ജിദില്‍ നിര്‍വഹിക്കുകയായിരുന്നു അദ്ദേഹം. ഫാതിഹ ഉള്‍പ്പെടെ 11 സൂറത്തുകള്‍, അനിവാര്യമായ ദിക്‌റുകള്‍ എന്നിവ കൃത്യതയോടെ മന:പാഠം നടത്തി പരീക്ഷയിലൂടെ വിജയിക്കുന്നവര്‍ക്ക് സര്‍ട്ടിഫിക്കറ്റ് നല്‍കുന്ന പദ്ധതിയാണ് തര്‍ത്തീല്‍ ഖുര്‍ആന്‍. ഇബ്രാഹിം ബാഖവി പൊന്ന്യം അധ്യക്ഷനായി. അബ്ദുറഹ്മാന്‍ മിസ്ബാഹി കല്ലായി, നവാസ് ദാരിമി പടന്നോട്ട്, ഉസ്മാന്‍ കുട്ടി ഹാജി സംസാരിച്ചു.