തിരുവനന്തപുരം: നെഹ്‌റു ഗ്രൂപ്പ് ചെയര്‍മാന്‍ പി.കെ കൃഷ്ണദാസിന്റെ അറസ്റ്റില്‍ പ്രതിഷേധിച്ച് സ്വാശ്രയ കോളജുകള്‍ അടച്ചിട്ട് നടത്തുന്ന സമരത്തിനെതിരെ സംസ്ഥാനത്ത് ഇടത് വിദ്യാര്‍ഥി, യുവജന സംഘടനകളുടെ പ്രതിഷേധം.

സംസ്ഥാനത്തെ മുഴുവന്‍ സ്വാശ്രയ മെഡിക്കല്‍ കോളജുകളും എന്‍ജിനീയറിങ് കോളജുകളും അടച്ചിട്ടാണ് സമരം നടത്തുന്നത്.

ഇതിനെതിരെ സെല്‍ഫ് ഫിനാന്‍സ് കോളജ് അസോസിയേഷന്‍ ഓഫീസിലേക്ക് എസ്എഫ്‌ഐ മാര്‍ച്ച് നടത്തി. എറണാകുളത്തെ നെഹ്‌റു ഗ്രൂപ്പ് ഓഫ് ഇന്‍സ്റ്റിറ്റ്യൂട്ടിലേക്ക് ഡിവൈഎഫ്‌ഐ പ്രതിഷേധ മാര്‍ച്ച് നടത്തി. ടൗണ്‍ ഹാളിന് മുന്നില്‍ നെഹ്‌റു ഗ്രൂപ്പ് ചെയര്‍മാന്‍ കൃഷ്ണദാസിന്റെ കോലം കത്തിക്കും.

ലക്കിടി കോളജിലെ വിദ്യാര്‍ഥിയെ മര്‍ദ്ദിച്ച കേസിലാണ് കൃഷ്ണദാസ് അടക്കം നാലുപേരെ പൊലിസ് അറസ്റ്റ് ചെയ്തിരുന്നത്.