ചെര്‍പ്പുളശ്ശേരി: സുന്നി മഹല്ല് ഫെഡറേഷന്‍ പ്രൊജക്ട് വിങ് പാലക്കാട് ജില്ലാ സമിതി സംഗമം ചെര്‍പ്പുളശ്ശേരി മലബാര്‍ ഫിനിഷിങ് സ്‌കൂള്‍ ഹാളില്‍ സംഘടിപ്പിച്ചു. ലൈറ്റ് ഓഫ് മദീനക്കു ശേഷം ജില്ലയില്‍ നടപ്പിലാക്കേണ്ട കര്‍മ പദ്ധതി ചര്‍ച്ച ചെയ്തു.
നിലവിലുളള മേഖലാ കോഡിനേറ്റര്‍മാര്‍ക്കും റിസോര്‍സ് ടീം അംഗങ്ങള്‍ക്കും പുറമെ, പുതുതായി പരിശീലകരാകാന്‍ താത്പര്യമുളളവരെ വിങ്ങില്‍ ഉള്‍പ്പെടുത്താനും റമദാന്‍ പതിനഞ്ചിന് മുമ്പായി മേഖല സംഗമങ്ങള്‍ നടത്താനും യോഗം തീരുമാനിച്ചു. ലൈറ്റ് ഓഫ് മദീനയുടെ പാലക്കാട് ജില്ലയിലെ മികച്ച കോഡിനേറ്റര്‍ക്കുള്ള അവാര്‍ഡ് കൊപ്പം മേഖല കോഡിനേറ്റര്‍ മലയില്‍ ഷാഹുല്‍ ഹമീദ് അന്‍വരിക്ക് സമസ്ത മുബല്ലിഗ് ഖാജാ ദാരിമി നല്‍കി. യോഗത്തില്‍ ജില്ല പ്രൊജക്ട് വിങ് ചെയര്‍മാന്‍ ബശീര്‍ മാസ്റ്റര്‍ അധ്യക്ഷനായി.
ഡോ. റസാഖ് വാഫി, സക്കീര്‍ മാസ്റ്റര്‍ മാരായമംഗലം, നാഫി വാഫി, ഹിബതുള്ള മാസ്റ്റര്‍, ഷാഹുല്‍ ഹമീദ് അന്‍വരി, ഷമീര്‍ മരുതൂര്‍, ഷരീഫ് നാട്യമംഗലം പങ്കെടുത്തു. പ്രൊജക്ട് വിങ് കണ്‍വീനര്‍ അബ്ദുറഹ്മാന്‍ മരുതൂര്‍ സ്വാഗതവും ഫൈസല്‍ വാഫി നന്ദിയും പറഞ്ഞു.