വണ്ടൂര്‍: ഫേസ്ബുക് വഴി പരിചയപ്പെട്ട ഭര്‍തൃമതിയായ യുവതിയെ വിവാഹവാഗ്ദാനം നല്‍കി പീഡിപ്പിച്ചതായി പരാതി. സംഭവത്തില്‍ കൊച്ചിയിലെ ടാക്‌സി ഡ്രൈവര്‍  മൂവാറ്റുപുഴ സ്വദേശി മേക്കടമ്പ് അനി പോള്‍ (24) പിടിയിലായി. ഒന്നര വര്‍ഷംമുന്‍പാണ് യുവതിയുമായി അനിപോള്‍ ഫേസ്ബുക്കിലൂടെ പരിചയപ്പെടുന്നത്.
പിന്നീട് പ്രണയത്തിലാകുകയും വിവാഹ വാഗ്ദാനം നല്‍കുകയും ചെയ്തു. തുടര്‍ന്നു വീട്ടില്‍നിന്നു കൂട്ടിക്കൊണ്ടുപോയി. എന്നാല്‍, മകളെ കാണാനില്ലെന്നു കാണിച്ച് പിതാവ്  കാളികാവ് പൊലിസില്‍ പരാതി നല്‍കി. തുടര്‍ന്നു നടത്തിയ അന്വേഷണത്തില്‍ ഇവര്‍ താമസിക്കുന്ന സ്ഥലവും ഫോണ്‍ നമ്പറും ലഭിച്ചു. പൊലിസ് വിളിച്ചതുപ്രകാരം യുവതി തിരിച്ചെത്തി. അനി പോള്‍  മുങ്ങുകയായിരുന്നു. തുടര്‍ന്നുള്ള അന്വേഷണത്തിലാണ് പ്രതിയെ പിടികൂടിയത്്. ഇയാളെ പെരിന്തല്‍മണ്ണ കോടതിയില്‍ ഹാജരാക്കി റിമാന്‍ഡ് ചെയ്തു. അന്വേഷണത്തിനു പെരിന്തല്‍മണ്ണ സി.ഐ സി. യൂസഫ്, കാളികാവ് അഡീഷണല്‍ എസ്.ഐ സുരേഷ് കുമാര്‍, പി. ഷിജി മോന്‍, കെ. സ്വയംപ്രഭ എന്നിവര്‍ നേതൃത്വം നല്‍കി.