പുതിയങ്ങാടി: റമദാനില്‍ പൂര്‍ണമായും വ്യക്തിശുദ്ധി നേടി കുടുംബത്തിന്റെയും സമൂഹത്തിന്റെയും പരിശുദ്ധി ഉറപ്പാക്കാന്‍ എല്ലാവരും മുന്നോട്ടുവരണമെന്നു സമസ്ത കേരളാ മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന വൈസ് പ്രസിഡന്റ് കെ.പി.പി തങ്ങള്‍ അല്‍ബുഖാരി. പുതിയങ്ങാടി ഇസ്സത്തുല്‍ ഇസ്‌ലാം അറബിക് കോളജില്‍ മദ്‌റസാ മാനേജ്‌മെന്റ് അസോസിയേഷന്‍ ജില്ലാ തസ്‌കിയത്ത് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. റമദാന്‍ വ്രതം തസ്‌കിയത്തിന് ഏറ്റവും അനുയോജ്യമാണെന്നും തങ്ങള്‍ പറഞ്ഞു. സി. മുഹമ്മദ് കുഞ്ഞിഹാജി അധ്യക്ഷനായി. സിറാജുദീന്‍ ദാരിമി കക്കാട്, അബ്ദുസമദ് മുട്ടം എന്നിവര്‍ മുഖ്യപ്രഭാഷണം നടത്തി. അഷ്‌റഫ് ബംഗാളിമുഹല്ല, മുസ്തഫ ഹാജി പുതിയങ്ങാടി, മഹ്മൂദ് ഹാജി മാതമംഗലം, വി.പി.പി ഹമീദ്, ഖാദര്‍ മുണ്ടേരി, സഈദ് ഹാജി, മഹ്മൂദ് കൊറ്റുപുറം, ഖാദര്‍, താജുദീന്‍, ഹക്കീം ഹാജി, അബ്ദുസലാം മൗലവി, നവാസ് ദാരിമി പടന്നോട്ട്, റഹീം പുതിയങ്ങാടി, ഇബ്‌നുആദം, റസാഖ് സംസാരിച്ചു.