ഫറോക്ക്: പെരുമുഖം തിയ്യത്ത് താഴത്ത് മത്സര പ്രാവുകളെ  സാമൂഹ്യ ദ്രോഹികള്‍ കൂട്ടത്തോടെ കൊന്നൊടുക്കി. തൈവളപ്പില്‍ അരുണിന്റെ പത്ത് പ്രാവുകളെയാണ് ഇന്നലെ പകല്‍ മൂന്ന് മണിയേടെ കൂടിനകത്ത് ചത്ത നിലയില്‍ കാണപ്പെട്ടത്. മറ്റൊരു പ്രാവിനെ കാണാതായിട്ടുമുണ്ട്.
കഴിഞ്ഞ ദിവസം വൈകീട്ട് 7 മണിയോടെ തീറ്റ  കൊടുത്തു പ്രാവുകളെ കുട്ടിലടച്ചതാണ്. ഇന്നലെ വീണ്ടും തീറ്റ കൊടുക്കാനെത്തിയപ്പോഴാണ് പ്രാവുകള്‍ ചത്ത നിലയില്‍ കണ്ടത്.  ഒന്നിന് 1500 രുപ വില വരുന്ന പ്രാവുകളാണിത്. അടുത്ത മാസം മത്സരത്തിനു ആട്ടാനുള്ള പ്രാവുകളുമുണ്ട് ഇതില്‍. ഇതുമായി ബന്ധപ്പെട്ടു ഫറോക്ക് പൊലിസില്‍ പരാതി നല്‍കിയിട്ടുണ്ട്.