ന്യൂഡല്‍ഹി: താമരശേരി ചുരം കണ്ടുപിടിച്ച ആദിവാസി മൂപ്പന് സ്മാരകം നിര്‍മിക്കണമെന്ന് നടന്‍ സുരേഷ് ഗോപി രാജ്യസഭയില്‍ ആവശ്യപ്പെട്ടു.
കോഴിക്കോടിനെ മൈസൂരു വഴി കര്‍ണാടകയുമായി ബന്ധിപ്പിക്കുന്ന ദേശീയ പാതയ്ക്ക് ആദിവാസി മൂപ്പന്‍ കരിന്തണ്ടന്റെ പേര് നല്‍കണമെന്നും അദ്ദേഹം ശൂന്യവേളയില്‍ ആവശ്യപ്പെട്ടു.
കോഴിക്കോടിനും കര്‍ണാടകയ്ക്കും ഇടയിലുള്ള ദേശീയ പാത 766ന്റെ ഒരു ഭാഗത്തിന് കരിന്തണ്ടന്റെ പേര് നല്‍കണമെന്നത് പണിയ സമുദായം ഏറെക്കാലമായി ഉന്നയിക്കുന്ന ആവശ്യമാണെന്നും സുരേഷ് ഗോപി പറഞ്ഞു.