കൊല്ലം: കൊല്ലം എം.എല്‍.എ. മുകേഷിനെ കാണാനില്ലെന്ന് കാണിച്ച് യൂത്ത് കോണ്‍ഗ്രസ് പ്രവര്‍ത്തകര്‍ നല്‍കിയ പരാതി സ്വീകരിച്ചു രസീത്
നല്‍കിയ കൊല്ലം വെസ്റ്റ് എസ്.ഐ. ഗിരീഷിനെ രാഷ്ട്രീയബന്ധം ആരോപിച്ചു ചുമതലയില്‍ നിന്നും ഒഴിവാക്കിയ നടപടിയില്‍ യൂത്ത് കോണ്‍ഗ്രസ് പ്രതിഷേധിച്ചു.
സി.പി.എമ്മിന്റെ സെല്‍ ഭരണത്തിന് തെളിവാണ് പൊലിസിനെതിരെ ഇത്തരത്തിലുള്ള നടപടികളെന്നു നേതാക്കള്‍ ആരോപിച്ചു. പാര്‍ലമെന്റ് പ്രസിഡന്റ് എസ്.ജെ.പ്രേംരാജ് ജനറല്‍ സെക്രട്ടറി അനീഷ് പടപ്പക്കര, കൊല്ലം അസംബ്ലി പ്രസിഡന്റ് വിഷ്ണു സുനില്‍ പന്തളം എന്നിവര്‍ പങ്കെടുത്തു.