റിയാദ് : കേരളത്തില്‍ നിപാ വൈറസ് റിപ്പോര്‍ട്ട് ചെയ്ത പശ്ചാത്തലത്തില്‍ ഗള്‍ഫ് രാജ്യങ്ങള്‍ തങ്ങളുടെ പൗരന്മാര്‍ക്ക് ജാഗ്രതാ നിര്‍ദേശം നല്‍കി. ഗള്‍ഫ് രാജ്യങ്ങളായ ബഹ്‌റൈനും യു.എ.ഇയുമാണ് ഇന്ത്യയിലേക്ക് യാത്ര ചെയ്യുന്ന പൗരന്‍മാര്‍ക്ക് ജാഗ്രതാ നിര്‍ദേശം പുറപ്പെടുവിച്ചത്.
ഇന്ത്യയില്‍ സന്ദര്‍ശനത്തിനായി പോകുന്ന യാത്രക്കാര്‍ കേരളം സന്ദര്‍ശിക്കുന്നത് ഒഴിവാക്കണമെന്നാണ് മുംബൈയിലെ ബഹ്‌റൈന്‍ കോണ്‍സുലേറ്റിന്റെ അറിയിപ്പ്. ഇന്ത്യയിലെത്തുന്ന പൗരന്‍മാര്‍ ജാഗ്രത പാലിക്കണമെന്നാണ് യു.എ.ഇയുടെ മുന്നറിയിപ്പ്. ഇന്ത്യന്‍ അധികൃതര്‍ നല്‍കുന്ന നിര്‍ദേശങ്ങള്‍ അനുസരിക്കണമെന്നും യു.എ.ഇ പൗരന്‍മാര്‍ക്ക് നിര്‍ദേശം നല്‍കിയിട്ടുണ്ട്.