തിരുവനന്തപുരം: കേരളത്തിലെ സര്‍ക്കാരിനെ അസ്ഥിരപ്പെടുത്താന്‍ ആര്‍.എസ്.എസ് ശ്രമിക്കുന്നുവെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി.

രാജ്യത്ത് ബിജെപി നടപ്പാക്കുന്നത് ആര്‍എസ്എസ് അജണ്ടയാണ്. അക്രമത്തിലൂടെ സ്വാധീനം വര്‍ധിപ്പിക്കാമെന്ന് ആര്‍.എസ്.എസ് കരുതേണ്ട. ബി.ജെ.പിയുടേയും ആര്‍.എസ്.എസിന്റെയും മുഖ്യലക്ഷ്യം ഇപ്പോള്‍ സി.പി.എമ്മാണ്.

ആര്‍.എസ്.എസ് നയങ്ങള്‍ക്കെതിരെ സുസ്ഥിരമായ പോരാട്ടം നടത്തുന്നത് സിപിഎം മാത്രമാണെന്നും ജനാധിപത്യ മാര്‍ഗങ്ങളിലൂടെ ബി.ജെ.പിയെ തറപറ്റിക്കുമെന്നും യെച്ചൂരി പറഞ്ഞു. സിപിഎം സംസ്ഥാന സെക്രട്ടേറിയേറ്റിന് ശേഷം മാധ്യമങ്ങളെ കാണുകയായിരുന്നു അദ്ദേഹം.