മാറഞ്ചേരി: പാലപ്പെട്ടിയില്‍ ത്രിവേണി ഫോട്ടോ സ്റ്റുഡിയോ നടത്തുന്ന ഹമീദലിയെ ഒരു സംഘം ആളുകള്‍ മര്‍ദിച്ചതായി പരാതി. ഹമീദലിയുടെ സ്റ്റുഡിയോവില്‍ അണ്ടത്തോട് നേര്‍ച്ചയുടെ ഭാഗമായി കൊണ്ടണ്ടുപോകുന്ന കാഴ്ചക്ക് പിരിവ് ചോദിക്കാന്‍ എത്തിയവരുമായി ഉണ്ടണ്ടായ കശപിശയാണ് മര്‍ദനത്തില്‍ കലാശിച്ചതെന്ന് പരാതിയില്‍ പറയുന്നു. മര്‍ദനത്തില്‍ പരുക്കേറ്റ ഹമീദലിയെ പൊന്നാനി താലൂക്ക് ആശുപത്രിയില്‍ പ്രവേശിപ്പിച്ചു. പെരുമ്പടപ്പ് പൊലിസ് കേസെടുത്തു.
ഫോട്ടോഗ്രാഫറെ ചിലര്‍ അന്യായമായി മര്‍ദിച്ച സംഭവത്തില്‍ കുറ്റക്കാര്‍ക്കെതിരേ കര്‍ശന നടപടികള്‍ നടപടികള്‍ സ്വീകരിക്കണമെന്ന് ഓള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ മാറഞ്ചേരി യൂനിറ്റ് ആവശ്യപ്പെട്ടു. മനോജ് ടി.കെ.ബി അധ്യക്ഷനായി. അക്ബര്‍ ഫാസ്, ബഷീര്‍ സണ്‍ഡെ, അഷറഫ് ലൈവ് എന്നിവര്‍ സംസാരിച്ചു.