മുട്ടില്‍: ലോക മയക്ക് മരുന്ന് വിരുദ്ധ ദിനത്തിന്റെ ഭാഗമായി വയനാട് മുസ്‌ലിം ഓര്‍ഫനേജ് ഹയര്‍സെക്കന്‍ഡറി എന്‍.എസ്.എസ് വിദ്യാര്‍ഥികള്‍ ലഹരിവിരുദ്ധ ബോധവല്‍കരണ പരിപാടിയും റാലിയും സംഘടിപ്പിച്ചു. സ്‌കൂള്‍ പി.ടി.എ പ്രസിഡന്റ് നജീബ് കാരാടന്‍ ഉദ്ഘാടനം നിര്‍വഹിച്ചു. സ്‌കൂള്‍ പ്രിന്‍സിപ്പാള്‍ പി.എ ജലീല്‍ അധ്യക്ഷനായി. എന്‍.എസ്.എസ് പ്രോഗ്രാം ഓഫിസര്‍ ബിഷര്‍ കെ.സി മുഖ്യപ്രഭാഷണം നടത്തി. സ്റ്റാഫ് സെക്രട്ടറി ഷരീഫ, അധ്യാപകന്‍ ഷിഹാബുദ്ധീന്‍ സംസാരിച്ചു. എന്‍.എസ്.എസ് ലീഡര്‍ സല്‍മാനുല്‍ ഫാരിസ് സ്വാഗതവും ആതിര നന്ദിയും പറഞ്ഞു.