കൊച്ചി: കേരള മീഡിയ അക്കാദമിയുടെ ആഭിമുഖ്യത്തില്‍ വിദ്യാര്‍ഥികള്‍ക്കായി നടത്തിയ ഹരിതകേരളം മത്സരത്തിന്റെ പുരസ്‌കാര സമര്‍പ്പണം ഇന്ന് ഉച്ചയ്ക്ക് 12.15ന് തിരുവനന്തപുരം വൈലോപ്പിളളി സംസ്‌കൃതി ഭവനില്‍ കെ.ജെ.യേശുദാസ് നിര്‍വഹിക്കും. സ്‌കൂള്‍ കോളജ് വിഭാഗങ്ങള്‍ക്കായി ഹരിതകേരള സന്ദേശം ഉള്‍ക്കൊള്ളുന്ന ഹ്രസ്വചിത്ര നിര്‍മാണം, ഹരിതകേരള മുദ്രാഗാന ചിത്രീകരണം എന്നീ മത്സരങ്ങളാണ് സംഘടിപ്പിച്ചത്. ഒന്ന്, രണ്ട്, മൂന്ന് സ്ഥാനങ്ങളിലെത്തുന്നവര്‍ക്ക് മുഖ്യമന്ത്രിയുടെ ട്രോഫിയും യഥാക്രമം 50,000, 25,000, 15,000 രൂപയും സര്‍ട്ടിഫിക്കറ്റുമാണ് പുരസ്‌കാരം.