തിരുവനന്തപുരം: മുഖ്യമന്ത്രിയെ ട്രോളുന്നവര്‍ ജാഗ്രത. ഇനി മുതല്‍ മുഖ്യമന്ത്രിക്കെതിരേ ട്രോളിറക്കിയാല്‍ പണി കിട്ടും.
മുഖ്യമന്ത്രിയെ പരിഹസിച്ച് ട്രോളുകള്‍ ഇറക്കരുതെന്ന് പൊലിസ് അറിയിച്ചു. മുഖ്യമന്ത്രിയെ കളിയാക്കി സാമൂഹിക മാധ്യമങ്ങളില്‍ ട്രോളുകള്‍ ഇറക്കുന്നത് നിര്‍ത്തണമെന്നും നിലവിലുള്ള ട്രോളുകള്‍ പിന്‍വലിക്കണമെന്നും ഹൈടെക് സെല്‍ നിര്‍ദേശിച്ചിട്ടുണ്ട്. പരാതികള്‍ ലഭിച്ചതിന്റെ അടിസ്ഥാനത്തിലാണു നടപടിയെന്നും ഹൈടെക് സെല്‍ അറിയിച്ചു.

ഇതു പ്രകാരം ഫേസ്ബുക്ക് ഗ്രൂപ്പുകളില്‍ മുഖ്യമന്ത്രിയെ പരിഹസിക്കുന്ന തരത്തില്‍ ഇറക്കിയ ട്രോളുകള്‍ പിന്‍വലിക്കണമെന്നും അല്ലാത്തപക്ഷം ഐ.ടി ആക്റ്റ് പ്രകാരം നടപടിയെടിക്കുമെന്നും ഹൈടെക് സെല്‍ അറിയിച്ചിട്ടുണ്ട്.