കോതമംഗലം: ഇന്ധനവില വര്‍ധനവില്‍ പ്രതിഷേധിച്ച് കൈ വണ്ടി വലിച്ച് പ്രതിഷേധം. വെല്‍ഫെയര്‍ പാര്‍ട്ടി കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തില്‍ നഗരത്തില്‍ പ്രതിഷേധം അരങ്ങേറിയത്. ഹൈറേഞ്ച് ജങ്ഷനില്‍ നിന്നാരംഭിച്ച പ്രകടനം നഗരസഭ ഓഫിസിന് മുന്നില്‍ സമാപിച്ചു.
നിയോജക മണ്ഡലം പ്രസിഡന്റ് ടി.എം ഇല്ല്യാസ്, കെ.എച്ച് സലീം, റെജി വാരികാട്ട്, പി.എം ഇസ്മായില്‍, കെ.കെ യുസഫ്, സണ്ണി വാരപ്പെട്ടി അഷറഫ് തേനാലി തുടങ്ങിയവര്‍ നേതൃത്വം നല്‍കി.