ബിക്കാനീര്‍: രാജസ്ഥാനിലെ ബിക്കാനീറില്‍ 13കാരിയെ അധ്യാപകര്‍ ഒന്നരവര്‍ഷത്തോളം കൂട്ടബലാത്സംഗത്തിനിരയാക്കി. കഴിഞ്ഞ ദിവസം പെണ്‍കുട്ടിയെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചതോടെയാണ് സംഭവം പുറംലോകമറിഞ്ഞത്. പെണ്‍കുട്ടിക്ക് രക്താര്‍ബുദമാണെന്ന് ഡോക്ടര്‍മാര്‍ വ്യക്തമാക്കി.
സംഭവത്തില്‍ അധ്യാപകര്‍ക്കെതിരേ പെണ്‍കുട്ടിയുടെ മാതാപിതാക്കള്‍ പരാതി നല്‍കിയിട്ടുണ്ട്. തന്നെ ബലാത്സംഗം ചെയ്യുന്നതിന്റെ ദൃശ്യങ്ങള്‍ ഇവര്‍ ചിത്രീകരിച്ചതായും ഇവ ഉപയോഗിച്ച് തന്റെ മാതാപിതാക്കളെ ഭീഷണിപ്പെടുത്തിയെന്നും തന്നെ കൊല്ലുമെന്ന് പറഞ്ഞതായും പെണ്‍കുട്ടി പറഞ്ഞു. 7-8 അധ്യാപകര്‍ ഉണ്ടായിരുന്നുവെന്നും എല്ലാവരുടെയും പേരറിയില്ലെന്നും പെണ്‍കുട്ടി വ്യക്തമാക്കി.
കഴിഞ്ഞ ദിവസമാണ് പെണ്‍കുട്ടി സംഭവത്തെ കുറിച്ച് മാതാപിതാക്കളോട് പറഞ്ഞത്. ഇതിനു ശേഷമായിരുന്നു ഭീഷണി. പരാതിയെ തുടര്‍ന്ന് കേസെടുത്തിട്ടുണ്ടെങ്കിലും ആരെയും അറസ്റ്റ് ചെയ്തിട്ടില്ല. അതേസമയം പരാതി ഗൗരവത്തോടെയെടുക്കുമെന്നും പെണ്‍കുട്ടിക്ക് നീതി ഉറപ്പാക്കുമെന്നും മുഖ്യമന്ത്രി വസുന്ധരരാജ സിന്ധ്യ പറഞ്ഞു.