എം.എസ്‌സി
പാരാമെഡിക്കല്‍
കോഴ്‌സുകള്‍ക്ക്
അപേക്ഷ ക്ഷണിച്ചു

സ്‌കൂള്‍ ഓഫ് ഹെല്‍ത്ത് സയന്‍സസില്‍ നടത്തുന്ന സ്വാശ്രയ എം.എസ്‌സി പാരാമെഡിക്കല്‍ കോഴ്‌സുകള്‍ക്ക് അപേക്ഷ ക്ഷണിച്ചു.

പരീക്ഷാ അപേക്ഷ

നാലാം സെമസ്റ്റര്‍ എം.ടെക് റഗുലര്‍സപ്ലിമെന്ററി പരീക്ഷക്ക് പിഴകൂടാതെ ജൂലൈ 20 വരെയും 150 രൂപ പിഴയോടെ ജൂലൈ 25 വരെയും ഓണ്‍ലൈനില്‍ അപേക്ഷിക്കാം.
അവസാന വര്‍ഷ ബി.എച്ച്.എം.എസ് അഡീഷനല്‍ സപ്ലിമെന്ററി പരീക്ഷയ്ക്ക് ജൂലൈ എട്ടു വരെയും 150 രൂപ പിഴയോടെ ജൂലൈ 13 വരെയും അപേക്ഷ, ഇന്റേണല്‍ മാര്‍ക്ക്, എ.പി.സി, ചലാന്‍ എന്നിവ സഹിതം പരീക്ഷാഭവനില്‍ സ്വീകരിക്കും.

എം.എ ഇംഗ്ലീഷ്
വൈവാ വോസി

വിദൂരവിദ്യാഭ്യാസം പ്രൈവറ്റ് രജിസ്‌ട്രേഷന്‍ എം.എ ഇംഗ്ലീഷ് ഫൈനല്‍ പരീക്ഷയുടെ ഭാഗമായ വൈവാ വോസി ജൂലൈ 12 മുതല്‍ കോഴിക്കോട് സെന്റ് ജോസഫ്‌സ് ദേവഗിരി കോളജ് (കോഴിക്കോട് സോണ്‍), തൃശൂര്‍ ശ്രീ കേരളവര്‍മ കോളജ് (തൃശൂര്‍ സോണ്‍) എന്നിവിടങ്ങളില്‍ നടക്കും. ഷെഡ്യൂള്‍ വെബ്‌സൈറ്റില്‍.

പരീക്ഷാഫലം

2015 ഡിസംബറില്‍ നടത്തിയ മൂന്നാം സെമസ്റ്റര്‍ എം.എ ഇക്കണോമിക്‌സ്, എം.എ അപ്ലൈഡ് ഇക്കണോമിക്‌സ് (സി.യു.സി.എസ്.എസ്) പരീക്ഷാഫലങ്ങള്‍ വെബ്‌സൈറ്റില്‍ ലഭ്യമാണ്. പുനര്‍മൂല്യനിര്‍ണയത്തിന് ജൂലൈ 13 വരെ ഓണ്‍ലൈനില്‍ അപേക്ഷിക്കാം.

2015 നവംബറില്‍ നടത്തിയ മൂന്നാം സെമസ്റ്റര്‍ എം.എസ്‌സി അപ്ലൈഡ് പ്ലാന്റ് സയന്‍സ് (സി.സി.എസ്.എസ്) പരീക്ഷാഫലം വെബ്‌സൈറ്റില്‍ ലഭ്യമാണ്.
2015 ഡിസംബറില്‍ നടത്തിയ രണ്ട്, നാല് സെമസ്റ്റര്‍ എം.സി.എ (സി.യു.സി.എസ്.എസ്) പരീക്ഷാഫലങ്ങള്‍ വെബ്‌സൈറ്റില്‍ ലഭ്യമാണ്. പുനര്‍മൂല്യനിര്‍ണയത്തിന് ജൂലൈ 12 വരെ ഓണ്‍ലൈനില്‍ അപേക്ഷിക്കാം.

പുനര്‍മൂല്യനിര്‍ണയ
ഫലം

എല്‍.എല്‍.ബി നാലാം സെമസ്റ്റര്‍ (ത്രിവത്സരം), എട്ടാം സെമസ്റ്റര്‍ (പഞ്ചവത്സരം) ഒക്‌ടോബര്‍ പരീക്ഷയുടെ പുനര്‍മൂല്യനിര്‍ണയഫലങ്ങള്‍ വെബ്‌സൈറ്റില്‍ ലഭ്യമാണ്. ഉത്തരക്കടലാസ് തിരിച്ചറിയാന്‍ ആഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക.

നാലാം സെമസ്റ്റര്‍ എം.ബി.എ ജൂണ്‍ 2015 പരീക്ഷയുടെ പുനര്‍മൂല്യനിര്‍ണയഫലം വെബ്‌സൈറ്റില്‍ ലഭ്യമാണ്. ഉത്തരക്കടലാസ് തിരിച്ചറിയാന്‍ ആഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക.