വടുവന്‍ചാല്‍: വടുവന്‍ചാല്‍ ടൗണ്‍ മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ സമൂഹത്തിലെ വിവിധ തുറകളില്‍പെട്ടവരെ പങ്കെടുപ്പിച്ച് ഇഫ്താര്‍ മീറ്റും എസ്.എസ്.എല്‍.സി പ്ലസ്ടു പരീക്ഷയില്‍ ഉന്നത വിജയം നേടിയവരെയും വടുവന്‍ചാലില്‍ നിന്ന് ഖുര്‍ആന്‍ മന: പാഠമാക്കിയ ഹാഫിള് സി മുഹമ്മദിനെയും ആദരിക്കല്‍ ചടങ്ങും നടത്തി. മുസ്‌ലിം ലീഗ് ജില്ലാ പ്രസിഡന്റ് പി.പി.എ കരീം ഉദ്ഘാടനം ചെയ്തു. സൈനുദ്ദീന്‍ അധ്യക്ഷനായി. യൂത്ത് ലീഗ് ജില്ലാ പ്രസിഡന്റ് യഹ്‌യാഖാന്‍ തലക്കല്‍, എം.യു ജോര്‍ജ്, പ്രവീണ്‍ കുമാര്‍, ജഷീര്‍ പള്ളിവയല്‍, ശിവി മാസ്റ്റര്‍, കണക്കയില്‍ മുഹമ്മദ്, സി അസൈന്‍, അലവിക്കുട്ടി, ശുക്കൂര്‍ അലി, യൂസുഫ് ഹാജി, ടി ഷംസുദ്ദീന്‍ സംസാരിച്ചു. എം.സി മുഹമ്മദ് സ്വാഗതവും പി അയ്യൂബ് നന്ദിയും പറഞ്ഞു.