കോഴിക്കോട്: കുറ്റ്യാടി റോഡില്‍ കടിയങ്ങാട്ട് നിയമങ്ങള്‍ ലംഘിച്ച് ആരംഭിക്കാന്‍ പോവുന്ന പെട്രോള്‍ പമ്പിനെതിരേ സമരം ശക്തമാക്കുമെന്ന് പെട്രോള്‍ പമ്പ് വിരുദ്ധ സമരസമിതി പ്രവര്‍ത്തകര്‍ വാര്‍ത്താ സമ്മേളനത്തില്‍ പറഞ്ഞു. പ്രദേശത്തെ 35ഓളം കുടുംബങ്ങള്‍ക്ക് പ്രയാസമാവുന്ന തരത്തിലാണ് പമ്പ് നിര്‍മിക്കുന്നത്.
പെട്രോള്‍ പമ്പിനെതിരേ മുഖ്യമന്ത്രി, കലക്ടര്‍ തുടങ്ങിയ അധികാരികള്‍ക്ക് മുന്‍പാകെ പരാതിപ്പെട്ടിട്ടും അന്വേഷണം നടത്തിയിട്ടില്ല. അപകട മേഖലയായ ഇവിടെ നിയമങ്ങള്‍ കാറ്റില്‍പറത്തി പമ്പ് അനുവദിക്കരുതെന്നു സമര സമിതി ഭാരവാഹികളായ മൂസ കോറോത്ത്, ടി. റസാഖ്, ടി. അമ്മത്, വി. ലീലാമ്മ, ഇ.പി ഇബ്രാഹിം, ബി.കെ പ്രദീപ് വാര്‍ത്താ സമ്മേളനത്തില്‍ ആവശ്യപ്പെട്ടു.