എടപ്പാള്‍: സംസ്ഥാനപാതയില്‍ മദ്യലഹരിയില്‍ അലക്ഷ്യമായി വാഹനമോടിച്ചയാളെ നാട്ടുകാര്‍ വാഹനം തടഞ്ഞുനിര്‍ത്തി പൊലിസിലേല്‍പ്പിച്ചു. തിരുന്നല്‍വേലി സ്വദേശി പുഷ്പരാജി (42)നെയാണ് നാട്ടുകാര്‍ പിടികൂടി ഹൈവേ പൊലിസിനെ ഏല്‍പിച്ചത്.
കൊച്ചിയില്‍നിന്നു കര്‍ണാടകയിലേക്കു പോകുകയായിരുന്ന കണ്ടെയ്‌നര്‍ ലോറിയാണ് ഇന്നലെ രാവിലെ ഏഴോടെ കാവില്‍പടിയില്‍വച്ചു നാട്ടുകാര്‍ തടഞ്ഞത്. പലയിടങ്ങളില്‍ തട്ടി അലക്ഷ്യമായി പോകുന്നതു കണ്ട നാട്ടുകാര്‍ വാഹനം തടയുകയായിരുന്നു