വാഷിംഗ്ടണ്‍: ഭീകരസംഘടനയായ ഇസ്‌ലാമിക് സ്റ്റേറ്റിനെ പൂര്‍ണമായും തകര്‍ക്കുന്നത് വരെ വിശ്രമമില്ലെന്ന് യു.എസ് പ്രസിഡന്റ് ബരാക് ഒബാമ. തുര്‍ക്കിയിലെ ഇസ്താംബൂള്‍ വിമാനത്താവളത്തില്‍ നടന്ന ചാവേറാക്രമണത്തില്‍ 41 പേര്‍ കൊല്ലപ്പെട്ട സംഭവത്തെക്കുറിച്ച് പ്രതികരിക്കുകയായിരുന്നു അദ്ദേഹം.

ഈ പരിഷ്‌കൃത ലോകത്തില്‍ ജനങ്ങള്‍ വെറുക്കുന്ന ലോകത്തിന് ഭീഷണിയായ ഐ.എസ് എന്ന ശൃഖല പൊളിച്ചുമാറ്റുന്നതുവരെ നമുക്ക് വിശ്രമിക്കാനാവില്ല. ഞങ്ങള്‍ തുര്‍ക്കിയിലെ ജനങ്ങള്‍ക്കൊപ്പം അണിനിരക്കുന്നതായും ഒബാമ പറഞ്ഞു.

വടക്കേ അമേരിക്കന്‍ രാജ്യങ്ങളുമായി കാനഡയിലെ ഒട്ടാവയില്‍ നടക്കുന്ന ഉച്ചകോടിക്കു ശേഷമാണ് ഒബാമ ഐ.എസിനെതിരെ പ്രതികരിച്ചത്.

ഇറാക്കിലും സിറിയയിലും ഐ.എസ് പരാജയ ഭീതിയിലാണ്. ഐ.എസിന്റെ അടിത്തറ ഇളകി കഴിഞ്ഞു. നിരപരാധികളെ അക്രമിക്കുന്ന ഭീകരവാദികളുടെ അവസാനം അടുത്തിരിക്കുന്നതായും ഒബാമ കൂട്ടിച്ചേര്‍ത്തു.