അമ്പലപ്പുഴ: നിര്‍മാണ സാമഗ്രികളുമായി എത്തിയ ലോറി വയലിലേക്ക് മറിഞ്ഞു. നാട്ടുകാരുടെ സമയോചിതമായ ഇടപെടല്‍ മൂലം ഡ്രൈവര്‍ രക്ഷപ്പെട്ടു. ഇയാളെ പരുക്കുകളോടെ ആശുപത്രിയില്‍ പ്രവേശിപ്പിച്ചു.
ഡ്രൈവര്‍ വള്ളികുന്നം സ്വദേശി രതീഷ് (53)നെയാണ് വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്.
ഇന്നലെ ഉച്ചയോടെ കരുമാടി മേലത്തിന്‍ങ്കരി പാടശേഖരത്തിനു സമീപത്ത് വെച്ചായിരുന്നു അപകടം. പാടശേഖരത്തിന് പടിഞ്ഞാറ് ഭാഗത്ത ചിറ റോഡിലൂടെ ലോറി കടന്നു പോകുന്നതിനിടയില്‍ നിയന്ത്രണം വിട്ട ലോറി കല്‍കെട്ടില്‍ ഇടിച്ച് പോള നിറഞ്ഞ തോട്ടിലേക്ക് മറിയുകയായിരുന്നു.
ലോറി മറിയുന്നത് ഇക്കരെ നിന്നും കണ്ട പ്രദേശവാസികള്‍ അപക സ്ഥലത്തെത്തി ലോറിക്കുള്ളില്‍ കുടിങ്ങിയ രതീഷിനെ പുറത്തെടുത്ത് ആശുപത്രിയിലെത്തിച്ചു.