മേപ്പയ്യൂര്‍: ആതുരശുശ്രൂഷക്കിടെ ജീവന്‍ പൊലിഞ്ഞ പേരാമ്പ്ര ഗവ. ആശുപത്രിയിലെ നേഴ്‌സ് ലിനി സജീഷിന്റെ ഓര്‍മയ്ക്കുവേണ്ടി എസ്.എസ്.എം വിഷന്‍ കോഴിക്കോട് നിര്‍മിക്കുന്ന ഭൂമിയിലെ മാലാഖ എന്ന കവിതാ ആവിഷ്‌ക്കാരത്തിന്റെ സ്വിച്ച് ഓണ്‍ കര്‍മം മേപ്പയ്യൂര്‍ വ്യാപാരഭവന്‍ ഓഡിറ്റോറിയത്തില്‍ മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍ നിര്‍വഹിച്ചു. ചടങ്ങില്‍ മേപ്പയ്യൂര്‍ പ്രസ് ക്ലബ് പ്രസിഡന്റ് മുജീബ് കോമത്ത് അധ്യക്ഷനായി.
സോന പേരാമ്പ്ര മുഖ്യ പ്രഭാഷണം നടത്തി. മനോജ് പൊന്‍പറ രചനയും ഷാജി പയ്യോളി സംവിധാനവും ചെയ്യുന്ന കവിതാ ആവിഷ്‌ക്കാര ചടങ്ങില്‍ സ്വാഗതസംഘം കണ്‍വീനര്‍ കെ.എം സുരേഷ് ബാബു, സി.എം ബാബു, ചക്രപാണി കുറ്റ്യാടി, കനകദാസ് പയ്യോളി, റെറ്റിന രമേശ്, വിനോദ് കൃഷ്ണഗുഡി, കൊല്ലംകണ്ടി വിജയന്‍ സംസാരിച്ചു.
ജൂണ്‍ അവസാന വാരം കോഴിക്കോട് എസ്.എസ്.എം വിഷന്റെ നേതൃത്വത്തില്‍ ആരോഗ്യ സന്നദ്ധ പ്രവര്‍ത്തകര്‍ക്ക് വേണ്ടി ഏകദിന ശില്‍പ്പശാലയും ജില്ലയിലെ ഏറ്റവും നല്ല ആയൂര്‍വേദ അലോപതി ഡോക്ടര്‍മാര്‍ക്ക് ആരോഗ്യ മിത്ര പുരസ്‌കാകാരവും ആശ വളണ്ടിയര്‍മാര്‍ക്ക് സേവന രത്‌നാ പുരസ്‌ക്കാരവും നല്‍കും.